Nu le Pa

Nu le pa tha zaang hi sianghngakchia ca le saya/ma te caah a herh bik mi thazang a kan pe tu hriamnam tha bik pakhat a si lengah fa nua hna caah zongah a rak herh tuk ve ti hi al awk a tha lo. Sihmanhsehlaw  Nu le Pa cawl cangh nak lawng lawng cun a tlam a rak thling thlu kho ve lo.Nu le pa, cawnpiak tu saya/ma le sianghngakchia hi then awk a rak tha lo thil a si.

Siangakchia ca kan chim tik ah a chim lawng in a rak za thlu lo i, Nu le pa lei in a rak dirṭhoh tu hi a rak hreh tuk ve. kan fa nau cathiam, fimthiamnak a ngaih khawh nak ding ah cun Nu le pa, cahim tu saya/ma te le an mah pumpak i zuamnak thwawng lawngin a si kho ti hi theih cio mi a si.Nu le Pa nih dirhkamh mi fa le cu fim cawnnakah hawi nak in an cuangkhun, an thiam khun lo hmanh ah hawi hnu an si bal lo ti cu a fiang ngai mi a si.

Thinkung pakhat dawh tein le hninghno tein than khawhnak ding caah titoih piak lawngin a za lo i a hram siar pak hi a herh ngai mi a si. Cu caah Nu le Pa le Sianghngakchia ca chim Saya/ma te cu a keh le vorh i tlai in hmun khat teah dir ṭi ding kan si.