Saya/ma

Chimh cawnpiak tu um lo ngai ngai hin cun thil hngalh fian ti hi a har ngai ngai mi a si. Thil fawi te i ruahmi hmanh hi chimh cawnpiaktu um lo cun kan caan, thazaang le ngaihchiah tampi dih in kan i zuam a herh tawn.Sihmanhsehlaw chim cawnpiaktu tha nih cun thil har ngai i ruahmi hmah khi fawi te in le thazaang thlawm tein a kan theih ter/thiam ter khawh. Cu caah saya/ma chim cawnpiak tu tha cu rampi hmanh nih ai zoh thla mi le a upat mi a si.

CSO (Chin Student Organization) sianginn cachimtu hna zong nih kan miphun le ram caah lu hlinh in nihin ni tiang kar a hlang cuahmah lio a si.Pathian lamhruai nak thawngin Kuala lumpur, Malaysia chung ah hmun 5 in a dir kho ve cang. Sianghngakchia fimnak hnuktlum a ding lio mi 400 renglo tluk an si.Hi fa nau tete zoh khenh tu sianginn cachim tu hi kan chamhma ngai tawn.

Caan suapi fa nau chim kan duh ti ko hmanh sehlaw Malaysia ralzaam dirhmunin kan um tik ah, a caan zat cun kal a kan kiah nak ramthumnak ah kan kal tak tawn hna.Sihmanhsehlaw a um mi saya/ma te si hna seh, ram dangmi volunteer sianginn cachim tu an lu an i hlinh nak thangin chambua nak um lo tein CSO a lu a nunnak hi a si.

CSO cahim saya/ma te hi pumpek in an tuan mi lawng te an si.Saya/me te kan i ruah chan mi cu fimnak a cawng cuahmah lio mi kan fa kan nua le hi hmai lei ram caah santlai mi le ramhruai kho mi an si te lai ti mi ruahchanh nak he pumpek in an taun mi a si i chambau nak le harsak nak tampi lak ah kan fa nau ca an chim tik ah hnabei dongin an um lio caan ah pathain sin thlaza cam le hmailei thei par a chuak ding mi ruahchan in pumpek rian tuan mi an si.